Presidenti afgan Ashraf Ghani njoftoi të dielën një armëpushim me kryengritësit talebanë që nga e hëna për të shënuar festën e myslimanëve  Kurban Bajrami, pavarësisht luftimeve të rënda të zhvilluara gjatë ditëve të fundit në qytetin qendror të Ghaznit.

“Armëpushimi i kushtëzuar do të fillojë nesër dhe do të vazhdojë për aq kohë sa talebanët e ruajnë dhe e respektojnë atë,” tha ai në një ceremoni të Ditës Afgane të Pavarësisë në Kabul.-përcjell arbresh.info

“Ne i bëjmë thirrje udhëheqjes së talebanëve për të mirëpritur dëshirat e afganëve për një paqe afatgjatë dhe të vërtetë,” tha ai.

Një zyrtar i lartë në zyrën e Ghanit tha se armëpushimi “i kushtëzuar” do të zgjaste tre muaj.

Nuk ishte menjëherë e qartë nëse talebanët kishin pranuar thirrjen e Ghanit për një armëpushim gjatë Bajramit, festës vjetore islame të sakrificës, e cila zyrtarisht fillon të martën.

Këtë muaj talebanët luftuan një betejë intensive me forcat afgane për të kontrolluar qytetin strategjik të rëndësishëm të Ghazni.

Të paktën 150 ushtarë dhe 95 civilë u vranë në një rrethim pesë-ditor, i cili u lehtësua javën e kaluar kur ushtarët afganë të mbështetur nga forcat amerikane i detyruan rebelët e armatosur rëndë.

Talibanët thanë në një deklaratë se ata kishin kontroll mbi gjysmën e Afganistanit.

Shpërthimet, sulmet vetëvrasëse dhe përplasjet midis militantëve islamikë dhe forcave afgane vranë mbi 1,600 civilë në gjashtë muajt e parë të vitit, numri më i madh në dekadën e fundit, tha Kombet e Bashkuara në një deklaratë të dielën.

Njoftimi i armëpushimit të Ghanit ishte i kufizuar në Taliban dhe përjashtoi grupe të tjera militante si Shteti Islamik./Arbresh.info